f Libreng Massive Anti-Rabies Vaccination ipahigayon Setyembre 28 sa Barangay Poblacion | City of Kidapawan

Libreng Massive Anti-Rabies Vaccination ipahigayon Setyembre 28 sa Barangay Poblacion

You are here: Home


NEWS | 2018/09/27 | LKRO


thumb image

KIDAPAWAN CITY – SUBLING NANAWAGAN si City Mayor Joseph Evangelista sa tanang nanag-iya’g iro ug iring nga ila kining pabakunahan alang sa umaabot nga Rabies Awareness Day ugma’ng adlawa Setyembre 28, 2018.

    Libre kining serbisyo nga gihanyag sa City Veterinary Office, matud pa sa Mayor busa angayan lamang nga patalinghugan kini sa mga pet owners aron masumpo ang pagkuyanap sa rabies.

     Sama sa naandan, mamahimong main vaccination station ang City Plaza.

Lakip sad dinhi mao ang beinte dos nga mga istasyon nga ibutang sa City Vet sa mga Purok ning Poblacion.

     Napulo dinhi ibutang alas otso ang takna sa buntag alang sa mga Purok nga nahimutang sa walang bahin s anational highway.

     Ala una sa hapon ibutang sad ang dose ka laing istasyon sa pagpabakuna sa tuong bahin sa National Highway sa Poblacion aron didto na lang magpabakuna sa ilang mga alang ang pet owners.

     Aduna say ipahigayon nga pagpakapon ug ligation sa mga iro ug iring.

     Libre sad kini nga ihatag sa City Vet apan on a first come first serve basis alang sa tanan dinha sa main vaccination station sa City Plaza.

     Kini hatod serbisyo ni City Mayor Joseph Evangelista pinaagi sa City Veterinary Office ug Provincial Veterinarian inubanan sa mga opisyales sa Barangay Poblacion.(CIO/LKOasay)



@ 2018 Kidapawan City. All rights reserved.

Developed and Maintained by: Durian Studio