f Vacant Positions October 25, 2018 | City of Kidapawan

Month: October 2018

You are here: Home


thumb image

MULING INILUNSAD ng City Government ang taunang Angel Tree Program October 24, 2018.

Layun nito na tuparin ang kahilingan at mabigyan ng regalong pamasko ang ilang mahihirap na kabataan mula sa iba’t-ibang lugar sa lungsod.

Isusulat ng mga bata sa munting pirasong papel ang kahilingang pamasko at sabay-sabay na isasabit sa Angel Tree na nakalagay sa lobby ng City Hall.

Saka ito ibibigay ni City Mayor Joseph Evangelista at mga partners sa programa.

Ibibigay ng alkalde at kanyang partners ang mga hinihiling na regalo ng mga bata sa December 23, 2018, ayon na rin kay Ms. Aida Labina na Focal Person ng programa.

Dumaan muna sa masusing evaluation at pagkikilala ang mga mahihirap na bata na karapat-dapat na mabigyan ng regalo, dagdag pa ni Labina.

Kapartner ng City Government sa Angel Tree program ang mga business establishments sa Kidapawan City.

Ang project Angel Tree ay isa lamang sa tampok na aktibidad sa taunang Christmas Festival ng lungsod sa panahon ng Kapaskuhan. (CIO/LKOasay)

Photo Caption – CHRISTMAS WISH: Isa lamang si Nor Juhana Dumrang sa mga mahihirap na batang nagsabit ng kanilang kahilingang regalo pagsapit ng pasko sa Angel Tree ng City Government. Layun ng Angel Tree na tuparin ng City Government ang hiling at bigyang regalong pamasko ang mga mahihirap na mga bata sa Kidapawan City.(CIO Photo)

thumb image

OUTSTANDING COOPERATIVES HERE are awarded during the celebration of the Cooperative Month 2018.

City Mayor Joseph Evangelista confered the awards on October 25, 2018 that served as the highlight of the coop celebration in the city.

Categories were divided into the amount of assets for each cooperative.

These are: Micro P3M below, Small P3M-P10M, Medium P10M-P100M and Large P100M up.

Awarded were: Cotabato Provincial Government Employees Retirees Multi Purpose Cooperative COPGREMCO for Best Micro Coop, Kidapawan City National High School Teachers Employees Retirees MPC KCNHTER for Best Small Coop; Kidapawan City Division Office Teachers Retirees Employees MPC KCDOTREMCO for Best Medium Cooperative.

Also given recognition were Sta Catalina MPC as Best Cooperative Branch and Mediatrix Multi-Purpose Cooperative for Best Large Cooperative.

The City Government has partnered with the 44 registered cooperatives in the City Cooperative Development Office-CCDO in facilitating the livelihood assistance program for identified beneficiaries.

Technical assistance were also given by the CCDO to cooperatives such as:preparation of reports to be submitted to the Cooperative Development Authority, provided Financial Management Training to cooperatives; and served as mediating party for concerns of cooperatives.

Prior to the Culmination Program on October 25, other activities featured during the Coop Month are Tree Planting Activity; Cooperative Officers Forum; and Blood Letting Activity.

The Cooperative Congress for all Cooperatives in the Province of North Cotabato is scheduled on October 30, 2018 at the Provincial Government Gymnasium . (CIO/LKOasay)

thumb image

DINOMINA AT HINAKOT NG dalawang batang mananayaw mula sa Kidapawan City ang torneo at premyo sa International Dancesport Competition sa Hong Kong, China kamakailan lang.

Labing apat na Diamond Awards ang napanalunan nina Prince Angelou Bacalso Villarosa at Angel Burlat Rabe kapwa Grade 5 pupils ng Kidapawan City sa naturang kompetisyon.

Bitbit nilang dalawa kasama ang kani-kanilang mga ina at coaches ang napanalunang premyo sa courtesy call sa Tanggapan ni City Mayor joseph Evangelista October 24, 2018.

Grade 5 pupil ng Felipe Swerte Elementary School si Villarosa habang nagmula naman sa Central Mindanao Colleges si Rabe.

Silang dalawa ang kumatawan sa Pilipinas laban sa mga katunggali mula Asya, Europa, Hilaga at Timog Amerika na sumali sa torneo.

Napanalunan nina Rabe at Villarosa ang Top Prize sa labing apat na iba’t-ibang kategorya ng Latin American Dancesport gaya ng cha-cha-cha; rumba, jive; samba, paso-doble; salsa, tango at iba pang sayaw.

Produkto kapwa sina Rabe at Villarosa sa programa na One Team, One City, One Goal Sports Development ng City Government na nakatuon sa Dancesport at iba pang Sporting Events.

Nagbigay ng P30,000 na tulong pinasyal si Mayor Evangelista at P50,000 naman mula kay Senator Manny Pacquiao kina Rabe at Villarosa, kanilang coaches na sina Diodilito Laniton at Arens Brizuela upang makasali sa prestihiyosong kompetisyon.

Target na nilang sumali at manalo sa katulad ding kompetisyon na gaganapin naman sa bansang Australia sa unang bahagi ng 2019. (CIO/LKOasay)

Photo Caption – TOP WINNER: Kuha sa larawan sina Angel Burlat Rabe (kaliwa) at Prince Angelou Bacalso Villarosa (kanan) kasama si City Mayor Joseph Evangelista. Napanalunan nina Rabe at Villarosa ang Top Prize sa International Dancesport Competition sa Hong Kong China kamakailan lang. (CIO Photo)

thumb image

PLANONG MAGBUO ng ‘Green Brigade” ng City Government sa dalawampu at siyam na barangay ng lungsod.

October 24, 2018 ng pangunahan ni City Mayor Joseph Evangelista ang dayalogo sa mga indigenous people ng Barangay Perez para sa planong pagbuo ng Green Brigade.

Sa ilalim nito ay tuturuan ng mga otoridad ang mga residente na ipatupad ang ilang environmental laws laban sa mga violators nito, matiyak na hindi basta-basta pinuputol ang mga puno at malinis ang water sources, mabigyan ng angkop na kaalaman sa usapin ng Disaster Risk Reduction, at magkaroon ng kabuhayan ang mga miyembro sa pamamagitan ng pagtatanim ng mga cash crops sa mga lugar na pinapayagan ng Department of Environment and Natural Resources.

Nais ng alkalde na magbuo nito upang ibayo pang maprotektahan ang water shed areas at natural resources ng tinatarget na mga barangay.

Mas mainam na unang mabuo ang Green Brigade sa barangay Perez lalo pa at dito matatagpuan ang pinakamalaking water shed area ng Kidapawan City na siya namang source ng maiinom na tubig ng mga mamamayan, ayon pa kay Mayor Evangelista.

Katuwang ng City LGU sa pinaplanong green brigades ang Barangay Council, Tribal Council, DENR at ang City PNP.

Photo Caption – Green Brigades planong buo-in ng City Government: Pinangunahan ni City Mayor Joseph Evangelista ang dayalogo sa mga indigenous people ng Barangay Perez October 24, 2018. Nais ng alkalde na makabu-o ng green brigades sa 29 barangay bilang pamamaraaan sa ibayong proteksyon ng kalikasan at likas na yaman.(CIO Photo)

thumb image

Please be informed that all transactions with the National Bureau of Investigation Satellite Office in Kidapawan City are all temporarily suspended as of October 19, 2018.

This is due to the agency’s computer system server breakdown incurred at present.

All transactions will resume once NBI Kidapawan City computer system server is restored.

Thank you.

thumb image

BINIGYAN ng tulong pinansyal ng City LGU ang apat na mag-aaral mula sa public schools na naaksidente kamakailan lang.

Personal na inabot ni City Mayor Joseph Evangelista ang tulong bahagi ng insurance ng mga estudyante sa public schools.

Kinilala ang apat na sina Kietline Asumbrado ng Kalasuyan Elementary School; Joarcel Celis ng Paco NHS; Sheikhah Undong ng Patadon ES at Richard Alayon ng Spottswood NHS.

Death Assistance Benefit na nagkakahalaga ng P22,500 ang natanggap ng pamilya ni Undong matapos siyang matuklaw ng cobra at mamatay noong August 28, 2018.

Tig P2,500 naman ang tinanggap nina Celis, Asumbrado at Alayon matapos silang masangkot sa aksidente.

Naaksidente sa daan sina Celis at Asumbrado samantalang nagkaroon ng komplikasyon si Alayon matapos makagat ng putakti habang tumutulong sa kanyang ama sa pag-aani ng rambutan.

Gumaling at kapwa nakabalik na sa pag-aaral sina Celis at Alayon samantalang nagpapatuloy naman ang Physical Therapy ni Asumbrado.

Magbibigay naman ng dagdag na tulong si Mayor Evangelista sa kanyang magulang para sa kanyang paggaling ng makabalik na sa eskwelahan.

Sa halagang P20 ay makakaseguro na ng ayuda ang bawat mag-aaral na naka enrol sa public school kung sakaling sila ay maaksidente.

P10 dito ay magmumula sa fund raising activity ng eskwelahan at ang isa pang P10 ay mula naman sa Ciy Government.

Insurance provider ay ang Climbs Life and General Insurance Cooperative na kapartner din ng City LGU para naman sa insurance ng tricycle drivers.

Kasama ni Mayor Evangelista sa pagbibigay ng ayuda si Ms. Crizel Marie Naranjo na kawani ng Climbs Life Insurance Coop October 17, 2018 sa mismong Tanggapan ng Alkalde sa City Hall. (CIO/LKOasay)

Photo caption – INSURANCE CLAIM NG BATANG NAAKSIDENTE BINIGAY NA: P22,500 na Death Assistance Calim ang iniabot nina City Mayor Joseph Evangelista at ni Ms. Crizel Naranjo sa mga magulang ni Sheikhah Undong October 19, 2018. Si Undong ay natuklaw ng cobra at namatay noong August 28, 2018. Sa halagang P20 na insurance ay makasesegurong may tulong ang bawat mag-aaral sa public school sa panahon na sila ay maa-aksidente.(CIO Photo)

thumb image

OPISYAL NG INILABAS NG City Comelec ang listahan ng lahat ng tatakbong opisyal sa lungsod pagsapit ng May 13, 2019 Mid Term Elections.

As of 5PM October 17, 2018, apat na Mayor, Tatlong Bise Mayor at dalawampu at siyam na City Councilors ang kabilang sa opisyal na listahan ng City Comelec na nagsumite ng kanilang mga Certificates of Candidacies.

Bagamat opisyal na ang listahan, maari pa ring magpalit ng kandidato ang Partido pagsapit ng November 30, 2018 basta’t kamag-anak ito at parehas ng apelyido, ayon na rin sa Comelec.

Kabilang sa opisyal na listahan ng City Comelec ang mga sumusunod: Mayor – Joseph Evangelista (Nacionalista Party) , Bernardo Piñol Jr.( PDP Laban); Meñoza, Hilario (Kilusang Bagong Lipunan); Aznar,Eligio Jr.(Ind).

Vice Mayor: Bombeo, Jivy Roe(NP); Palmones, Francis Jr.(PDP Laban); at Baynosa, Noel(Ind).

City Councilors: Dizon, Aljo Cris (NP); Gantuangco, Edgar(Ind); Malaluan, Marites(NP); Lonzaga, Gregorio(NP); Amador, Junares John(NP); Victoria, Cromwell(NP); Agamon, Carlo(NP); Manar, Marilou(NP); Dayao, Rex(NP); Lamata, Melvin, Jr.(NP); Suelan; Gasbamel Rey(NP); Remitio; Enrico Vicente(Ind); Salac, Peter(PDP); Omandac, Roberto Jr.(PDP); Angeles, Karl James(PDP); Anima, Ruel(PDP); Sungcad, Renan Moises(PDP); Sibug, Jason Roy(PDP); Padilla-Sison, Ruby(PDP); Villarico, Mark Anthony(PDP); Mundog, Oscar; Espejo, Januario Jr; ,Mondejar, John; Taynan, Lauro Jr; Manon-og, Ramon(PFP); Batingkay, Armando(PFP); Pagal, Airene Claire; Cabiles, Rodolfo Jr; at Himulatan, Salvador.

Magsisimula ang campaign period sa March 30, 2019 hanggang May 11, 2019.

January 13, 2019 hanggang June 12, 2019 ang election period kung saan ipagbabawal na ang mga appointments ng mga kawani at pagpapatupad ng proyekto sa gobyerno.

June 12, 2019 naman ang deadline sa pagsusumite ng Statements of Contributions and Expenditures o SOCE ng lahat ng mga kumandidato.(CIO/LKOasay)

thumb image

SINAGOT ni City Mayor Joseph Evangelista ang pagba-byahe pauwi sa mga labi ng isang inmate mula sa lungsod na matagal ng nakapiit sa National Bilibid Prison sa Muntinlupa City.

Buong pasasalamat ang ipinaparating ng pamilya ng inmate na nakilalang si Castro Calihanan na taga Amas Kidapawan City sa alkalde sa agarang tulong na binigay nito upang mai-uwi at mahimlay sa Kidapawan City ang kanyang mga labi.

“ Usa ra dyud ka text si Mayor Evangelista nga nitubag dayon sa among problema sa pagpahiluna sa akoang igsoon. Utang kabubut-on namo ni sa iya”, wika pa ni Mrs. Lyna Pinantao na nakababatang kapatid ni Calihanan na siyang sumundo sa mga labi nito pauwi sa Kidapawan City.

October 6, 2018 na tumawag ang taga National Bilibid Prison kay Mrs. Pinantao na nagsabing patay na nga ang kanyang kapatid.

Agad siyang nagtext kay Mayor Evangelista na mabilis namang sinagot ng alkalde.

Sinagot ni Mayor Evangelista ang kanyang pamasahe at allowances palipad ng Maynila upang kunin ang labi ng kanyang kuya.

Nakipag ugnayan din ang alkalde sa pamunuan ng Philippine Air Force upang maikarga sa kanilang C 130 Cargo Plane ang labi ni Calihanan para maihatid sa Awang Airport sa Cotabato City.

Mula Awang Airport ay sinundo ng sasakyan ng Wood Haven Chapel na kinontrata ni Mayor Evangelista ang mga labi ng inmate.

Ni Piso ay walang ginastos sa pagba-byahe sa labi ng kanyang kuya pauwi, ayon pa kay Mrs. Pinantao.

Labinwalong taong nakulong sa National Penitentiary si Calihanan na nasakdal sa kasong murder noong 2001.

Namatay ang kanyang maybahay matapos ibaba ng korte ang hatol noong panahong ding iyon.

Dahil sa kabaitang kanyang ipinakita doon ay lalaya na sana siya sa susunod na taon ngunit nagkasakit ng pneumonia at sumakabilang noong October 6, paliwanag pa ng kanyang kapatid.

Nakalatag na ngayon ang mga labi sa tahanan ng kanyang kapatid sa Barangay Birada Kidapawan City.

Siya ay kabilang sa mga indigenous people ayon na rin sa mga namumuno sa Office of the Deputy Mayor for IP’s.(CIO/LKOasay)

Barangay Sumbac

 

Ang “SUMBAK” ay isang manobong salita na ang ibig sabihin ay, “sumali at magtipon”.

Noong Setyembre 1945, ang 5 grupo ng pamilyang galing ng Bohol ay naghawan ng lugar at doon na tumira. Sila ay ang mga pamilyang Sagusay, Barreto, Sugala, at Dano.

Noon ay sitio ng baryo Kalaisan ang Sumbak subalit ito ay opisyal na itinatag bilang ganap na baryo sa bisa ng resolusyon bilang 50, serye 1950. ang mga Boholano ay nagpasyang tawaging Pres. Carlos P. Garcia bilang parangal, subalit tumutol ang mga katutubo na halos karamihang mamamayan ng lugar na “SUMBAK” upang masilbing indikasyon na ang lugar ay nagtitipon katulad ng ilog ng Lika at Sapa ng Latian.

Si G. Lucio Roa ang unang naging unang Tenyente del Baryo ng Sumbac.

 

Lupang Sakop: 562.8

Distansiya mula sa Kidapawan: 12 km.

@ 2018 Kidapawan City. All rights reserved.

Developed and Maintained by: Durian Studio