f January 15, 2019 huling palugit sa seminar ng mga operator at tsuper ng tricycle | City of Kidapawan

January 15, 2019 huling palugit sa seminar ng mga operator at tsuper ng tricycle

You are here: Home


NEWS | 2018/12/28 | LKRO


thumb image

PRESS RELEASE

December 28, 2018

January 15, 2019 huling palugit sa seminar ng mga operator at tsuper ng tricycle

KIDAPAWAN CITY – HANGGANG JANUARY 15, 2019 na lamang ang palugit na ibinibigay ng City Government sa lahat ng hindi pa nakaka seminar na operator at tsuper ng tricycle.

Una ng isinagawa ang seminar simula December 4-7, 2018.

Pangunahing rekisito para sa renewal ng permit to operate ng tricycle ang seminar, ayon pa sa City Tricycle Franchising Regulatory Board o CTFRB.

Para sa kaalaman ng mga operator at driver, mangyaring dalhin ang original at photocopy ng franchise, OR/CR ng motor at professional driver’s license ng driver sa seminar.

Magkatuwang ang CTFRB at Traffic Management Unit sa naturang aktibidad.

Pagkatapos ng seminar ay isasailalim sa masusing inspection ang bawat tricycle upang malaman kung ito ba ay ligtas bumiyahe at sumusunod sa palisiya ng City Government.

Kinakailangan din na kulay off white ang unit alinsunod na rin sa Unified Color Coding Scheme na ipatutupad na sa lahat ng tricycle sa lungsod pagsapit ng taong 2020.##( LKOasay)

Photo Caption – UNIFIED COLOR CODING SCHEME SA 2020: Dapat kulay ‘off white’ na ang lahat ng tricycle na bumibyahe sa lungsod pagsapit ng taong 2020.Ito ay pangunahing rekisito bago makapag-renew ng permit ang operator at driver ng tricycle.(CIO Photo)



@ 2018 Kidapawan City. All rights reserved.

Developed and Maintained by: Durian Studio