f Business One Stop Shop ng City Gov’t bukas kahit Sabado, Linggo at holidays | City of Kidapawan

Business One Stop Shop ng City Gov’t bukas kahit Sabado, Linggo at holidays

You are here: Home


NEWS | 2019/01/04 | LKRO


thumb image

 

Business One Stop Shop ng City Gov’t bukas kahit Sabado, Linggo at holidays

KIDAPAWAN CITY – BUKAS SA MGA ARAW NG Sabado, Linggo at holidays ang Business One Stop Shop o BOSS ng City Government.

Ipinag-utos ni City Mayor Joseph Evangelista na magbigay serbisyo ang iba’t-ibang tanggapan ng Lokal na Pamahalaan sa mga araw na nabanggit upang masegurong mapapadali ang renewal ng business permits and licenses ng mga nagnenegosyo para sa taong 2019.

Nasa City Gymnasium ang venue ng BOSS kung saan ay dito na ang processing ng mga business permits and licenses mula sa pag-fill up ng Business Application form; pagkuha ng cedula; clearances gaya ng fire, barangay at sanitation; assessment kung magkano ang babayaran ng business owner; zoning at building permit; at iba pang kahalintulad na transaction.

Magiging mabilis na ang pagpo-proseso ng business permit lalo pa at dinidikta ng National Government sa lahat ng Local Government Units na dapat ay hindi na lalagpas pa ng tatlong araw ang tagal ng processing.

Bukas ang BOSS 8AM-5PM mula January 3-20, 2019.

Wala ng palugit pang ibibigay ang City Government pagkatapos ng deadline.

Pwede pa rin namang magrenew ang mga dati ng business owners and operators ngunit may penalidad na silang babayaran kapag lumagpas sa itinakdang deadline. ##(CIO.LKOasay)



@ 2018 Kidapawan City. All rights reserved.

Developed and Maintained by: Durian Studio