f Kidapawan gipasidungan sa maayong implementasyon sa pondo gikan sa DILG | City of Kidapawan

Kidapawan gipasidungan sa maayong implementasyon sa pondo gikan sa DILG

You are here: Home


NEWS | 2019/04/15 | LKRO


thumb image

Kidapawan gipasidungan sa maayong implementasyon sa pondo gikan sa DILG

GIPASIDUNGAN ang Kidapawan City isip usa sa lima ka mga Local Government Unit kon LGU nga Best LGU Implementer sa tibuok rehiyon dose sa gipahigayon nga 1st Performance Challenge Fund, sa Koronadal City sa milabay nga adlaw’ng Biyernes.

Ang maong pasidungog gibase sa unom ka mga criteria sama sa TIMELINESS, QUALITY MANAGEMENT, SUSTAINBILITY, TRANSPARENCY, FUND MANAGEMENT ug INNOVATION.

Ilawom sa pagdumala ni Mayor Joseph A. Evangelista, gikan tuig 2011 hangtud 2018, nahimong epektibo ug han-ay ang implementasyon sa mga proyekto sa nagkadaiyang lugar sa dakbayan.

Sa maong nasampit nga mga katuigan, unom ka higayon nga nakadawat ug insentibo ang LGU-Kidapawan nga nagkantidad ug P18, 900, 000, nga gipondo alang sa siyam ka mga subprojects.

Apil niini ang pagpa semento ug 3 ka mga City Roads, pagmuntar ug lighting system, water system ug mga street lights.

“Pamatuod kini nga wala naga hunong ang LGU sap ag hatag sa mga batakang serbisyo alang sa mga constituents sa Kidapawan,” Sigon kang Mayor Evangelista.

Ilawom sa liderato ni Mayor Evangelista, tulo ka higayon nga gipasidungan ang Kidapawan City sa Seal of Good Local Governance (SGLG) gikan sa Department of Interior and Local Government (DILG).

Tuig 2016, nakadawat ang LGU ug P3.4 million nga gigahin alang sa pagpanindot sa playground area sa City Plaza.

Mikabat usab sa P2.4 million ang gigahin aron pondohan ang pagmuntar ug Water System Project, asa mukabat sa 2000 ka mga lumupyo sa mga Barangays sa Malinan, San Isidro, Linangcob, Sto. Nino, Katipunan, Sikitan ug Gayola.

Napahayagan sab ang 21 ka kilometro nga highway nga nagasubay sa mga barangays sa Balindog, Paco, Binoligan, Amas ug Patadon.
Anaa sa 253 ka mga streetlights ang gimuntar ug anaa sa 57% ang kasamtangang ginagamit ug napahayag na.

Ginamit nga pondo alang sa pagpasuga sa mga nag unang kadalanan sa dakbayan ang insentibo nga anaa sa P5.1 million nga gihatag sa DILG sa tuig 2018 human nga giila ang dakbayan sa ikatulong higayon isip Seal of Good Local Governance (SGLG).

Si Mayor Joseph A. Evangelista, nagpasalamat sa mga katawhan nga walay puas nga nisalig sa iyang liderato ug nisuporta sa mga programa ug proyekto nga gipatuman.

“Dili ta muhunong sa pagpalambo sa atong dakbayan. Salamat sa inyong walay hunong nga pagsuporta sa atong mga programa. Nanghinaut ako nga sa sunod pang mga higayon anaa gihapon kamo naga suporta sa atong mga pangandoy nga mahimong progresibo ang dakbayan,” Pag hingapos ni Mayor Evangelista. (CIO/WAM)



@ 2018 Kidapawan City. All rights reserved.

Developed and Maintained by: Durian Studio