GI-ABLIHAN na ang provincial office sa Philippine Drug Enforcement Agency kon PDEA sa dakbayan sa Kidapawan, Mayo a nuebe sa kasamtangang tuig. 

You are here: Home


NEWS | 2019/05/16 | LKRO


thumb image

GI-ABLIHAN na ang provincial office sa Philippine Drug Enforcement Agency kon PDEA sa dakbayan sa Kidapawan, Mayo a nuebe sa kasamtangang tuig.

Mismong si Mayor Joseph A. Evangelista ug PDEA Regional Director Naravy Duquiatan ang nanguna sa opisyal nga pag abli sa maong buhatan nga anaa nahimutang taliwala sa Association of Barangay Council Office ug City Cooperative Office.
Gitambungan sab ang okasyon sa mga PDEA agents, Kidapawan City PNP ug mga nagkalain-laing mga buhatan sa City Government Unit.
Suportado ni Mayor Evangelista ang pagmuntar sa maong buhatan. Gani ang city government mismo maoy nangita ug lugar asa imuntar ang maong buhatan.
Gihatagan sab ni Mayor Evangelista ug mga staff ang PDEA office aron katambayayong sa mga papers works ug uban pang mga tahas kalabot sa operasyon sa ahensiya.
Ang pagmuntar ug buhatan sa PDEA sa KIdapawan City, tumong nga pakusgon ang operasyon kontra iligal nga droga ug ang pagpakubos sa ihap sa mga drug users ug mga illegal drug dealers.

Gidayeg sa liderato sa PDEA ang paningkamot ni Mayor Evangelista, asa nagpatukod kini ug usa ka rehabilitation center alang sa mga illegal drug surrenderers ug ang padayon nga suporta sa programang balik pangarap sa tabang sa Narcotics Anonymous.



@ 2018 Kidapawan City. All rights reserved.

Developed and Maintained by: Durian Studio