f GI-PROKLAMA na sa City Board of Canvassers (CBOC) ang mga nidaug sa bag-uhay lamang nahuman nga May 13 midterm elections sa dakbayan sa Kidapawan. | City of Kidapawan

GI-PROKLAMA na sa City Board of Canvassers (CBOC) ang mga nidaug sa bag-uhay lamang nahuman nga May 13 midterm elections sa dakbayan sa Kidapawan.

You are here: Home


NEWS | 2019/05/16 | LKRO


thumb image

GI-PROKLAMA na sa City Board of Canvassers (CBOC) ang mga nidaug sa bag-uhay lamang nahuman nga May 13 midterm elections sa dakbayan sa Kidapawan.

Subling nidaug pagka mayor si incumbent Mayor Joseph A. Evangelista human nga nilamang kini ug kapin kinse mil nga boto sa iyang kaatbang nga si Vice mayor Bernardo “Jun” Pinol.
Gi proklama sab si outgoing city councilor Jivy Roe Bombeo isip mamamaug sa pagka vice mayor, batok sa kaatbang niini nga si city councilor Atty. Francis Palmones ug Board Member Noel Baynosa.
Samtang ang mga konsehal mga maoy manerbisyo sa 8th Sanggunian ug na proklama sa b sa CBOC giila nga sila si;
1. Melvin Lamata, Jr.
2. Marites Malaluan
3. Gregorio Lonzaga
4. Ruby Padilla-Sison
5. Carlo Agamon
6. Irene Claire Pagal
7. Pipoy Dizon
8. Lauro Taynan
9. Narry Amador
10. Peter Salac
Sigon kang Mayor Evangelista, bag-ong tahas alang sa mga mananaug sa eleksiyon ang mapadayon ang mga serbisyo nganha sa kabarangayan.
Nanaad ang mayor nga iyang ipadayon ang mga programa ug proyekto sa iyang ulahing termino.
Ilawom sa liderato ni Evangelista, giila ang dakbayan isip hall famer sa Seal of Good Local Governance kon SGLG, ang pinakataas nga pasidungog nga gihatag sa Department of Interior and Local Government kon DILG.
Naabilan ug nahimong regular ang operasyon sa National Bureau of Investigation (NBI) Satellite office, Philippine Regulation Commission (PRC) ug ang Philippine Drug Enforcement Agency kon PDEA.
Ginalauman sab ang pag abli sa Department of Foreign Affairs (DFA) office nganha sa usa sa pinakadakong mall sa dakbayan.
Nagpaabot sa iyang kinasing-kasing nga pasalamat si Mayor Evangelista sa mga nihatag ug pag ampo ug suporta alang sa iyang uwahing termino. (CIO)



@ 2018 Kidapawan City. All rights reserved.

Developed and Maintained by: Durian Studio