Mayor Evangelista ug VM elect Bombeo opisyal ng giproklama sa Comelec 

You are here: Home


NEWS | 2019/05/16 | LKRO


thumb image

Mayor Evangelista ug VM elect Bombeo opisyal ng giproklama sa Comelec
KIDAPAWAN CITY – OPISYAL NA NGA giproklama sa Comelec City Board of Canvassers sila ni City Mayor Joseph Evangelista ug City Vice Mayor Elect Jiv Jiv Bombeo nga mga mananaog sa May 13, 2019 mid Term Elections.
38,761 kon 62.27% ang nakuhang boto ni Mayor Evangelista batok kang City Vice Mayor Jun Piñol nga nakakuha og 23, 208 votes kon 37.28 porsyento sa kinatibuk-ang kadaghanon sa mga boto sa Kidapawan City, matud pa sa City Comelec.
29, 895 ang kang Bombeo samtang 18,510 ang nakuha nga boto ni City Councilor Att. Francis Palmones, Jr ug laing 11, 161 alang kang Board Member Noel Baynosa.
Sa makausa pa, ‘Solid Peformance’ diha sa pagpatuman sa nag-unang proyekto ug paghatag sa mga batakang serbisyo ang gisandigan ni Mayor Evangelista ug Vice Mayor Elect Bombeo nga nagresulta sa ilahang kadaogan.
Bisan pa man sa mga ‘black propaganda’ nga gipakuyanap nila Vice Mayor Jun Pinol ug sa iyahang kampo sa mga campaign sorties niini ug diha sa social media batok sa duha ka opisyal, wala gihapon kini nakadulot ug nakapapugong sa kadaogan nila Mayor Evangelista ug Vice Mayor Elect Bombeo.
Gani, bisan pa man niini, gina-awhag sa gihapon ni Mayor Evangelista si VM Piñol ug mga supporters niini nga mo-alalay diha sa iyang bag-ong mandato sa ikatulong termino nga pagapangunahan ang kalambuan sa dakbayan.
Human na ang piniliay ug angayan lamang nga mag’ move-on’ ug magtibangay ang tanan hilabi na kay daghan pang pwedeng mabuhat aron magpabiling malambuon ang Kidapawan City, sigon pa sa Mayor.
Gawas pa nila ni Mayor Evangelista ug Vice Mayor Elect Bombeo, giproklama na sab sa City Board of Canvassers ang mga mananaog nga City Councilors nga gilangkuban sa mga mosunod: Melvin Lamata, Jr; Maritess Malaluan; Goyong Lonzaga; Ruby Padilla- Sison; Carlo Agamon; Aying Pagal; Pipoy DIzon; Lauro Taynan, Jr; Narry Amador ug Engr. Peter Salac.
Si Evangelista ug Bombeo nidagan ilaom sa Nacionalista Party samtang si Piñol ug Palmones sa PDP Laban.
Anaa sa 77.53% ang turn out sa mga botante kon 65,631 sa kinatibuk-ang 84,651 ang nibotar sa Kidapawan City alang sa May 13, 2019 mid term Elections, suma pa sa City Comelec.
Pasado alas kwatro sa kahapunon May 15, 2019 opisyal nga giproklama sa Comelec ang tanang mananaog ning dakbayan. ##(cio/lkoasay)



@ 2018 Kidapawan City. All rights reserved.

Developed and Maintained by: Durian Studio