f CSWDO nipahigayon ug validation sa mga social pensioners sa Kidapawan | City of Kidapawan

CSWDO nipahigayon ug validation sa mga social pensioners sa Kidapawan

You are here: Home


NEWS | 2019/06/13 | LKRO


thumb image

CSWDO nipahigayon ug validation sa mga social pensioners sa Kidapawan

GIMANDO ni Mayor Joseph A. Evangelista sa liderato sa City Social Welfare and Development Office (CSWDO) nga pangitaon ang unom ka gatus (600) ka mga Senior Citizens nga pakyas makatunga sa gipahigayon nga validation alang sa tanang mga social pensioners sa Kidapawan.
Sa kinatibuk-an adunay 8, 578 nga social pensioners sa nagkalain laing barangay sa dakbayan, apan 7978 lamang ang aktwal nga na validate.
Posible nga ang nahibiling sais sientos (600) ni bakasyon sa ilang mga kabanay maong wala kini sa dihang nagpahigayon ug validation ang CSWDO.
Tumong sa validation nga limpyuhan ang listahan sa mga social pensioners ilabi na katong mga nitaliwan na ug mahatag ang ilahang slot ngadto sa bag-ong mga beneficiaries.
Pagsiguro sab kini nga walay mga senior citizens nga naga dawat ug pension gikan sa GSIS ug SSS, o kadtong mga adunay kaya sa kinabuhi ang mahi-apil sa programa sa gobyerno.
Bag-ong 343 nga social pensioners ang nadungag sa listahan sa CSWDO human sa gipatigayon nga validation sa milabay nga June 9.
Makadawat ug P500 nga binulan nga pension gikan sa kagamhanang nasyunal ang usa ka senior citizen, ilawom sa social pension program sa Department of Social Welfare and Development kon DSWD.



@ 2018 Kidapawan City. All rights reserved.

Developed and Maintained by: Durian Studio