f Acting City Mayor Bombeo gi inspeksiyon ang mga dagkong building sa dakbayan | City of Kidapawan

Acting City Mayor Bombeo gi inspeksiyon ang mga dagkong building sa dakbayan

You are here: Home


NEWS | 2019/07/15 | LKRO


thumb image

Acting City Mayor Bombeo gi inspeksiyon ang mga dagkong building sa dakbayan

PERSONAL nga gi inspeksiyon ni acting City Mayor Jivy Roe Bombeo ang mga tag-as ugĀ dagkung mga building sa dakbayan sa Kidapawan human ang nasinating linog sa milabay nga semana.

Unang gi adtuan sa acting mayor ang Kidapawan City Pilot Elementary School (KCPES) ug ang Kidapawan City National High School (KCNHS) asa nakita niini ang mga gagmay ngadto na sa dagkung mga liki sa classrooms.

Diha-diha dayong gimanduan ni Bombeo ang mga school administrators nga makig lambigit sa buhatan sa city engineering alang sa ipahigayong repair sa mga apektadong tunghaan.

Sunod nga gi adtuan sa mayor ang mga department store uban ang mga personahe sa Bureau of Fire Protection (BFP), City Disaster Risk Reduction and Management Office (CDRRMO), City Engineering ug Building Permit and Licensing Office.

Nakit an sa acting mayor nga aduna usab mga liki ang mga dagkong department store maong gi mando niini ang hinanaling pag ayo niini.

Gitagaan sab ni acting mayor Bombeo ug igong panahon ang mga tag-iya sa maong mga building aron mupahigayon ug repair.

Gusto man gud sa mayor nga luwas ang bisan kinsa nga musulod sa maong mga department store sa bisan unsang matang sa kalamidad.

Gi awhag ni mayor Bombeo ang mga katawhan nga kanunay mangandam sa tanang mga kalamidad ilabi na kadtong mga haduol sa mga landslide ug flood prone areas. (CIO)



@ 2018 Kidapawan City. All rights reserved.

Developed and Maintained by: Durian Studio