f Drug Rehabilitation Center bubuksan sa Kidapawan City | City of Kidapawan

Drug Rehabilitation Center bubuksan sa Kidapawan City

You are here: Home


NEWS | 2019/08/01 | LKRO


thumb image

Drug Rehabilitation Center bubuksan sa Kidapawan City

BUBUKSAN na ang itinayong, Non residential Drug Rehabilitation Center sa Barangay Sudapin, sa darating na Agosto 14, kasabay ng pagdiriwang ng lungsod ng Timpupo Festival.

Magiging guest of honor sa nasabing okasyon si Secretary Catalino S. Cuy, Chairman nang Dangerous Drugs Board, na naging daan upang maipatayo ang nasabing gusali.

Naipatayo ang gusali sa pamamagitan ng pondong nagkakahalaga ng P5 million na ipinagkaloob ng DDB sa Kidapawan City LGU bilang suporta sa Balik Pangarap Program.

Karagdagang P5 million pa ang idinagdag ng ahensiya para naman sa pag pagpapabakod at paglalagay ng mga lighting facilities sa gusali maging sa paligid nito.

Matatandaang pinuri ng DDB ang pagiging aktibo at buong suporta ng Kidapawan LGU para sa programa nitong Balik Pangarap, kung saan daan-daang mga Person’s Who Used Drugs (PWUD’s) ang sumailalim sa rehabilitasyon.

Sa ilalim ng pamumuno ni Mayor Joseph A. Evangelista, naitatag ang programa kung saan maraming mga dating gumagamit ng iligal na droga ang nagsilabasan makaraang ipinag utos ni Pangulong Rodrigo Duterte ang operation Tokhang.

Malaki ang paniniwala ni Mayor Evangelista na sa pamamagitan ng programa, mabigyan ng pagkakataon ang mga PWUD’s na magbago at makabalik sa lipunang kanilang kinabibilangan.

Tiniyak naman nang alkalde na susuportahan niya sa nalalabi nitong tatlong taon ang programa kontra iligal na droga.

Sa katunayan, nakatakdang bumisita sa Kidapawan City ang mga representante ng Community Anti-Drug Coalition of America (CADCA), na nakabase sa Dallas Texas, upang personal na makita ang implementasyon ng anti-illegal drug campaign ng pamahalaang lokal ng lungsod. (City Information Office)



@ 2018 Kidapawan City. All rights reserved.

Developed and Maintained by: Durian Studio