f City Gov’t at DTI nagpaalala kontra substandard Christmas Lights | City of Kidapawan

City Gov’t at DTI nagpaalala kontra substandard Christmas Lights

You are here: Home


NEWS | 2019/10/03 | LKRO


thumb image

City Gov’t at DTI nagpaalala kontra substandard Christmas Lights
KIDAPAWAN CITY – NAGPAALALA ANG City Government at Department of Trade and Industry sa publiko na iwasang bumili at gumamit ng substandard na Christmas Lights gayung papalapit na ang panahon ng Kapaskuhan.
Itinuturong dahilan ng maraming kaso ng sunog sa panahon ng BER months ang mga depektibong Christmas lights, ayon na rin sa mga otoridad.
May mga ulat na nakarating sa atensyon ng DTI at kay City Mayor Joseph Evangelista na may iilang tindahan sa lungsod na nagbebenta ng substandard na Christmas lights at iba pang uri ng de kuryenteng kagamitan.
Hindi umano sumusunod sa regulasyon ng Pamahalaan ang mga nabanggit at napaka delikadong gamitin.
Kadalasan ay maninipis ang wirings ng mga substandard na Christmas lights kung kaya at madaling uminit at masunog ang mga ito.
Ang iba naman ay depektibo at hindi sumisindi ang ilaw at madaling matalop na insulations dahil hindi dumaan sa tamang quality control, ayon pa sa DTI.
Dapat din na may nakalagay na ‘totoong Product Standard o PS Mark Sticker na inisyu ng DTI sa produktong lokal at Import Commodity Clearance o ICC Mark naman sa produktong imported’ na patunay na dumaan sa DTI at ligtas gamitin ang mga ito.
Hinihikayat ng mga otoridad ang publiko na agad ireport sa mga kinauukulan ang mga tindahang magbebenta ng mga nabanggit.
Kaugnay nito ay inaaanyayahan din ni Mayor Evangelista at ng DTI ang lahat na makiisa sa mga aktibidad sa pagdiriwang ng October 2019 Consumer Month.
Tema ng Consumer Month 2019 ay “Sustainable Consumption: Understanding the Impact of Consumer’s Choices in a Shared Environment”. ##(cio/lkoasay)

(photo is from bandilyo.com November 8, 2017 and the Dept. of Trade and Industry)



@ 2018 Kidapawan City. All rights reserved.

Developed and Maintained by: Durian Studio