f WATCH VIDEO: MENSAHE NI MAYOR JOSEPH EVANGELISTA PARA SA TANANG KIDAPAWENYO KARONG PANAHON SA MODIFIED GENERAL COMMUNITY QUARANTINE (MGCQ): | City of Kidapawan

WATCH VIDEO: MENSAHE NI MAYOR JOSEPH EVANGELISTA PARA SA TANANG KIDAPAWENYO KARONG PANAHON SA MODIFIED GENERAL COMMUNITY QUARANTINE (MGCQ):

You are here: Home


NEWS | 2020/06/01 | LKRO


thumb image

WATCH VIDEO: MENSAHE NI MAYOR JOSEPH EVANGELISTA PARA SA TANANG KIDAPAWENYO KARONG PANAHON SA MODIFIED GENERAL COMMUNITY QUARANTINE (MGCQ):

Sumala sa desisyon sa atoang National Government, sugod Hunyo 1, 2020, ang tibuok dakbayan sa Kidapawan ipa-ilawom na sa MODIFIED GENERAL COMMUNITY QUARANTINE o MGCQ.

Ang MGCQ usa ka mas lu-ag nga bersyon sa GCQ kung diin ginatugotan na ang mga residente nga makagawas sa tagsa-tagsang panimalay, bisan pa wala na’y dala nga quarantine pass. Kini wala nagpasabot nga layo na kita sa Covid threat, kung dili kini gibuhat sa National Government aron hinay hinay nga makabangon ang mga negosyo ug ang atoang lokal nga ekonomiya.

Sumala sa Omnibus Guidelines sa National IATF, MODIFIED GENERAL COMMUNITY QUARANTINE: refers to the transition phase between GCQ and NEW NORMAL, when the following temporary measures are relaxed and become less necessary: limiting movement and transportation, the regulation of operating industries, and the presence of uniformed personnel to enforce community quarantine protocols.

Sa miaging mga semana, hugot ang preparasyon sa inyong lokal nga panggamhanan aron maka-responde sa maong sitwasyon. Daghan kitang gipang-set up nga mga tent sa mga pampubliko nga establishment aron maseguro ang physical distancing sa mga waiting area. Nagsugod na pud ang pag-inspeksyon sa atoang Compliance Monitoring Team sa mga kan-anan, restaurant, mall ug department store aron ma-briefing daan ang mga tag-iya, manager o operator sa insaktong pamaagi sa physical distancing ug uban pa nga health protocols sama sa sterilization, foot bath ug disinfection areas. Gimugna pud nato ang Kidapawan Covid Detection Team nga mu-alalay sa mga barangay aron ma-monitor ang mga taga-gawas nga nagasulod diri sa atoang dakbayan. Atoa napud gi-andam ang atoang overland terminal aron modawat og mga PUV gikan sa laing munisipyo ug probinsya nga gitugotan mobiyahe sa DOTr. Pipila lamang kini sa mga pagpaningkamot sa inyohang City Government aron mas mapalig-on pa ang atoang naghiniusang Covid response mechanism.

Alang sa kasayuran sa tanan, mao kini ang mga palisiya nga kinahanglan pagasundon sugod Hunyo 1, 2020 isip pagsunod sa mando sa National Government nga ipa-ilawom kitang tanan sa MGCQ:

1. KINAHANGLAN I-REPORT ang tanang mouliay nga OFW ug residente sa Kidapawan nga gikan sa High ug Moderate Risk Area (Manila, Cebu, Davao, Zamboanga, CDO, etc.) ngadto sa CESU o sa inyohang Punong Barangay o sa inyohang Barangay Midwife aron sila ma-lista ug ma-monitor og sakto. Priority ang home quarantine sa pagpatuman sa boluntaryo nga 14-day quarantine. Andam na pud ang atoang City ug Barangay Quarantine Facilities para sa mga dunay mild symptoms sa Covid-19;

2. MANDATORY ang pagsuot sa atoang mga facemask kung kita mogawas sa atoang mga panimalay ug muadto sa pampubliko nga lugar;

3. DILI na kinahanglan ang Quarantine Passes (KIDQIP, Blue Pass, Tricycle Pass) aron makagawas sa panimalay. Apan, dili gihapon magkumpyansa. Limitahan gihapon nato ang pag-adto sa pampubliko nga lugar kung dili importante ang tumong. Istriktong physical distancing gihapon sa tanang pampublikong lugar;

4. Tugotan na ang pag-dine in sa mga restaurant ug mga kan-anan, kung diin limitahan lamang sa fifty percent (50%) capacity. Kinahanglan kini ma-inspeksyon sa Compliance Monitoring Team. Ang tanan request for inspection pwede i-agi sa BPLO;

5. Tugotan ang pag-angkas sa mga couple, immediate nga miyembro sa pamilya, ug mga medical frontliners;

6. Tugotan ang pag-abri sa mga hotel ug lodging houses, apan kinahanglan kini ma-inspeksyon usa sa City Tourism Office para sa accreditation;

7. Tugotan na ang pagsulod sa tanang residente sa Probinsya sa Cotabato sa atoang Mega Market gikan 6am hantud 6pm, Lunes hantud Domingo;

8. Tugotan na ang religious activities kung diin limitahan lamang sa fifty percent (50%) capacity ang venue, ug kinahanglan dunay physical distancing, thermal scanning, regular disinfection, ug pagsuot sa facemask;

9. Padayon ang pagpatuman as CURFEW HOURS (9pm to 5am);

10. BAWAL gihapon ang pag-inom og makahubog nga ilimnon sa gawas sa panimalay ug sa pampublikong lugar;

11. BAWAL ang BSDU o “BALIK SA DATING UGALI.” Padulong na kita sa moabotay nga NEW NORMAL. Laban Kidapawan!!

This post is written in Cebuano. Please check auto-translate options if you are reading this in English.
Please share. Do not repost. Avoid disinformation.
#LabanKidapawan
#WeHealAsOneKidapawan



@ 2018 Kidapawan City. All rights reserved.

Developed and Maintained by: Durian Studio