f MGA HOG RAISERS NGA APEKTADO SA ASF NATAGAAN OG AYUDANG PINANSYAL SA GOBYERNO | City of Kidapawan

MGA HOG RAISERS NGA APEKTADO SA ASF NATAGAAN OG AYUDANG PINANSYAL SA GOBYERNO

You are here: Home


NEWS | 2021/03/24 | LKRO


thumb image

KIDAPAWAN CITY – Gipang apud-apud na sa Department of Agriculture ang hinabang sa mga hog raisers nga sagad naapektuhan sa African Swine Fever kon ASF kadtong milabay’ng tuig.

Php 3,585,000 ang kinatibuk-ang kantidad ang gihatag sa DA XII ngadto sa 144 ka mga naga-amuma og baboy nga naapektuhan sa ASF sa upat ka mga barangay ning dakbayan.

Suma pa sa pamunuan sa DA XII, ang ayuda gikan sa ASF Indemnification Program sa gobyerno.

Matag benepisyaryo nakadawat og Php 5,000 kada ulo sa baboy nga gipailaom sa ‘culling’ aron mapugngan ang pagkatag sa ASF.

Ang kadaghanon sa mga apektadong hog raisers nakadawat sa hinabang mao ang mosunod: 54 gikan sa Barangay Linangkob, 42 Sikitan, 24 Gayola ug laing 24 sa Mua-an.

Gihatag sa mga opisyales sa DA XII, City Legal Officer Atty. Pao Evangelista nga nirepresenta kang City Mayor Joseph Evangelista, Cotabato 2nd District Board Member Dr. Krista Piñol – Solis, Cotabato Provincial Veterinarian Office ug Kidapawan Office of the City Veterinarian ang nasampit nga ayudang pinansyal sa mga ASF affected hog raisers ning dakbayan.

Gihimo ang pang apud-apud sa hinabang sa mga ASF affected hog growers karong Marso 24, 2021 sa Amphitheater sa Kidapawan Pilot Elementary School. ##(CIO)



@ 2018 Kidapawan City. All rights reserved.

Developed and Maintained by: Durian Studio