NEWS | 2023/05/16 | LKRO
KIDAPAWAN CITY – ( Mayo 16, 2023) Giila isip ika unom nga pinakamaayong Mayor sa mga dakbayan sa tibuok Pilipinas si Kidapawan City Mayor Atty, Jose Paolo Evangelista para sa unang quarter ning tuiga base sa Boses ng Bayan independent and non commissioned survey sa RP Mission and Development Foundation Incorporated.
Nakakuha og 83.57℅ nga Job Performance Rating si Mayor Pao sigon pa sa nasampit nga survey nga naglangkob niadtong Pebrero 25 – Marso 8, 2023.
Ang maong survey nagapakita sa pagkamaayo sa pipila ka mga lider sa nasud nga nagpakita og maayong pagdumala, epektibong paghatag serbisyo publiko, husto ug tinu-oray nga paggamit sa pondo sa gobyerno, ug pagtubag sa suliran sa katawhan nga ilang ginadumalahan ug ginaserbisyohan.
Usa ka non-government organization kining RPMD nga ang tinguha mao ang makuha ang pulso sa katawhan kung unsa ka maayo ang ilang gipili nga lider pinaagi sa maong survey.
Bisan pa nga makunsiderang bagito sa politika kay mao pay pagsugod sa iyang termino isip mayor ning dakbayan, nakakuha og taas nga grado sa iyang performance si Mayor Pao sa pito ka mga criteria nga gitagana sa RPMD Boses ng Bayan survey nga gilangkuban sa: service delivery, financial management, economic development, governance and leadership, environmental management, social services and public engagement.
” People of Kidapawan, this is for you”, reaksyon pa sa mayor sa naasoy nga pag ila.
Aminado si Mayor Pao nga dili lamang kini personal nga dungog isip amahan ning dakbayan, apan, repleksyon sab kini sa determinasyon ug pakiglambigit sa mga opisyal ug empleyado sa mga katawhan aron mahatag sa pinaka maayong pamaagi ang mga programa, proyekto ug mga batakang serbisyo ngadto sa tanan. ##(CMO)
PHOTOS AND VIDEOS SEE MORE PHOTOS | SEE MORE VIDEOS
