𝗠𝗚𝗔 𝗕𝗔𝗧𝗔𝗡𝗚 𝗡𝗔𝗡𝗔𝗟𝗢 𝗡𝗚 𝗠𝗘𝗗𝗔𝗟𝗬𝗔 𝗦𝗔 𝗦𝗪𝗜𝗠𝗠𝗜𝗡𝗚 𝗖𝗢𝗠𝗣𝗘𝗧𝗜𝗧𝗜𝗢𝗡 𝗦𝗔 𝗧𝗛𝗔𝗜𝗟𝗔𝗡𝗗, 𝗣𝗜𝗡𝗔𝗥𝗔𝗡𝗚𝗔𝗟𝗔𝗡 𝗡𝗚 𝗖𝗜𝗧𝗬 𝗚𝗢𝗩𝗘𝗥𝗡𝗠𝗘𝗡𝗧

You are here: Home


NEWS | 2024/02/21 | LKRO


thumb image

KIDAPAWAN CITY – ( February 19, 2024) BINIGYANG PARANGAL AT PAGKILALA ng City Government of Kidapawan ang dalawang elementary pupils na nanalo ng medalya sa Asian Open Schools (AOS) Invitational Aquatics Championship sa bansang Thailand kamakailan lang.

Tumanggap ng Certificate of Recognition mula kay City Mayor Atty. Jose Paolo M. Evangelista sina Ylaenna C. Lonzaga, Grade 2 pupil ng Notre Dame of Kidapawan College Integrated Basic Education (NDKC-IBED) at One T. Dela Cruz, Grade 4 pupil naman ng Northwest Hillside School na parehong matatagpuan sa lungsod ng Kidapawan.

Nagwagi si Lonzaga ng limang (5) gold medal, isang (1) silver, at tatlong (3) bronze, samantalang dalawang bronze naman ang napanalunan ni Dela Cruz sa AOS Invitational Championships 2024 na ginanap sa Assumption University Aquatic Center sa Bangkok Thailand.

Tumanggap din ng kahalintulad na Certificate of Recognition ang kanilang coach na si Benito Rebong sa Convocation Program ng City Government ngayong umaga ng Lunes, February 19.



@ 2018 Kidapawan City. All rights reserved.

Developed and Maintained by: Durian Studio