Author: Ian Famulagan

You are here: Home


Barangay Sto. Niño

 

Ang Baryo ng Sto. Niño ay pinangalanan ng ga unang kristiyanong tumira sa lugar na ang karamihan ay Cebuano at ang ilan ay Bagobo. Ang Sto. Niño ay patron ng Cebu. Noong 1966, ang mga nakatira nito ay nag nais na humiwalay sa New Cebu, kinabibilangan nitong baryo. Sa bisa ng resolusyon bilang 86, serye ng 1971, ang konseho Munisipal ay gumawa ng resolusyon sa ikapagiging baryo ng Sto. Niño. Ang unang Tenyente del Baryo ay si G. Sinforiano Espina.

 

Lupang Sakop: 533.2

Distansiya mula sa Kidapawan: 16 km.

Barangay San Roque

 

Ang San Roque ay dating sitio ng baryo Sikitan. ag mga unang nairahan ay maga Boholano at Cebuano. Bilang mga taong relihiyoso, sila ay nagpatayp ng isang simbahan na ipinangalan nila ay San Rque na kinuha sa pangalan ng patron ng Hitagum, Cagayan de Oro, na kung saan, ang unang itinalagang Tenyente del Baryo na ang ngalan ay Telesforo Bunayog.

Noong 1959, si Alkalde alfonso Angeles ang nagproklama sa San Roque bilang ganap na baryo sa bisa ng resolusyon bilang 50. Si G. Pedro Cupot ng Leyte ay pormal na ibinoto bilang bilang unang Tenyente del Baryo at sinundan bi G. Enghog.

 

Lupag Sakop: 609.2

Distansiya mula sa Kidapawan: 21 km.

Barangay San Isidro

 

Ang San Isidro ay dating sitio ng baryo Sikitan. Ang mga unang nairahan dito karamihan ay Cebuano at Boholano. Bilang mga taong relihiyoso, sila ay nagpatayo ng isang simbahan na pinangalanan nilang San Isidro. Ito rin ay karangalan ng kanilang kinikilalang patron na isinuod nila rito ang pangalan ng Sitio na San Isidro.

Noong 1959, si Alkalde Afonso Angeles, Sr., ay nagdeklara sa ikapagiging regular na baryo sa bisa ng resolusyon bilang 50, at ang unang itinalagang Tenyente del Baryo ay si G. Patrocenio Chavez noong 1962. si G. Martin Guillano ang pormal na iniluklok bilang unang ibinotong Tenyente del Baryo nga Sa Isidro.

 

Lupang Sakop: 623.6

Distansiya mula sa Kidapawan: 14 km.

Barangay Poblasyon

 

Ang mga unang pangunahing pamilya (pioneer families) na nairahan sa Kidapawan o Poblacion a ang mga pamilyang Madrid, Dimaano, Sampayan, Sibug, Saniel, Rellin, Sugbulao, Landichos, Tacardon, Hizon, Zarza, Tolentino, Pasual, Espejo, Labastida, Angeles, CAbales, Evangelista, Respicio, Semilla, Galy, Calayco, Lucero, Belarmino, Kintanar, Ocampo, Galang, malbas at marami pang iba.

 

Lupag Sakop: 622

Barangay Perez

 

Taong 1930, may isang Pampangueñong mangalakal na nagpapabili ng mga damit at kumot sa Lungsod ng Davao at Kidapawan. Ang isa sa kanila ay si G. Bernardino P. Canlas. Ang lalaking ito ay dating scout U.S. pensionado at hindi na aktibong sundalo sa panahong iyon, kaya pumunta siya nang Kidapawan bilang negosyante. Siya ay anak ni pedro Canlas at Nicolasa Perez ng Macabebe, Pampanga.

Taong 1938, ang pamangkin niyang nagngangalang Augustin Sanga ay pumuntang kasama niya upang magpabili ng damit sa Kidapawan. Sa panahong ito, ang “Uncle – Nephew Company” ay magsimulang manatili nang pirmihan sa lugar. Si Bernardino Canlas ay nagpakasal sa isang Bagoba na ang ngalan ay Macanay Lamilongan na nagsilang ng 9 na anak. Sa isang taong nagdaan, si Augustin Sanga ay nag-asawa rin ng isang Manoba na ang ngalan ay Juanita Imbod na nagkaroon ng 8 anak. sila ang unang kristiyanong omukupa sa lugar. Noong 1940, sa  kasunduan nina Canlas at Sanga, Pinangalanan nila ang pook na “PEREZ” bilang parangal sa ina ni Canlas at tiya rin ni Sanga.

Sa ganito kinuha ang pangalan ng barangay. Si Augustine Sanga ang unang naging unang Tenyente del Baryo sa bisa ng paghirang ni Alkalde Alfonso Angeles, Sr., noong 1947. Nanglingkod siya sa baryo nang mahigit 32 taon.

 

Lupang Sakop: 2,069.2

Distansiya mula sa Kidapawan: 9 km.

Barangay Patadon

 

Ang ngalan ng baryo “PATADON” ay hinango sa isang dakilang muslim na si “Datu Patadon Tongao”. Noong una siyang pumunta sa pook nong 1937, siya ay nabighani dito at nagpasyang dito na manirahan para sa kabutihan ng kanyang pamilya na dating nanirahan sa Davao noon.

Binigyan ng pahintulot si Datu Patadon ni Datu Siawan Ingkal, Chieftain, na nagmamay-ari sa buong Kidapawan noon. Puwede siyang tumira kahit saan niya gusto, at ang lugar na tinirhan niya ay napabantog bilang “Campo Muslim.” Noong sumiklab ang ikalawang digmaang pandaigdig noong 1941, Si Datu Patadon kasama ang kanyang mga kapanalig ay umanib sa mga gerilya. Siya ay nahuli ng mga Hapones noong 1944 at ibinilanggo sa Maynila. Noong dumating ang mga Amerikano noong 1944, siya ay pinalaya kasama ang iba pang prisoners of war.

Taong 1947 nang dumagsa ang iba pang pamilyang Muslim na palagian nang nanirahan sa komunidad na itinatag ni Datu Patadon. Ang komunidad ay isinunod sa pangalan ni Datu Patadon sa karangalan ng butihing Datu noong 1946. Siya ang kauna-unahang Tenyente del Baryo noong 1959 sa bisa ng resolusyon bilang 50.

 

Lupang Sakop: 876.4

Distansiya mula s Kidapawan: 19 km.

Barangay Paco

 

Kinuha sa salitang Manobo na “Indyat Pako”, na ang kahulugan, “mula sa pako” (Ferns). Sa tuwing itinatanong sa mga katutubo kung saan sila nakatira, sinasagot sila ng “Indyat pako”, kaya namalagi ang pangalan ng lugar. Ang una nitong tenyente del Baryo ay si G. Toribio Pantaleon, na itinalaga ni Alkalde Alfonso Angeles noong 1947. Si G. Celestino Segovia naman ang unang ibinotong Tenyente del Baryo noong 1957. Ito ay naging ganap na baryo noong 1959 sa bisa ng resolusyon bilang 50.

 

Lupang Sakop: 1,076.8

Distansiya mula sa Kidapawan: 7 km.

thumb image

 

SOLID PERFORMANCE at GOOD GOVERNANCE pa rin ang mananatiling sandigan ni City Mayor Joseph Evangelista sa pagtakbo para sa kanyang pangatlong termino bilang alkalde ng lungsod.

Naniniwala si Mayor Evangelista na suportado siya ng nakararaming mamamayan dahil na rin sa mga accomplishments na naabot ng City Government sa panahon ng kanyang panunungkulan.

Mula 2016 hanggang 2018 ng tatlong magkasunod na taon na ginawaran bilang Seal of Good Local Governance Hall of Famer ng DILG ang Kidapawan City bilang pagpapatunay ng maayos na pamamahala, epektibong pagbibigay serbisyo publiko at katapatan sa paggamit ng pondo ng gobyerno.

Nasa ika labing apat na Most Competitive City ng bansa ang Kidapawan City ngayong 2018 ayon na rin sa National Competiveness Council ng Department of Trade and Industry.

Hindi lamang ito sukatan ng maayos na pamamahala kungdi pagpapakita din sa ibayong kaunlaran ng lungsod sa panahon ng panunungkulan ni Mayor Evangelista.

Ng tanungin, wika pa ng alkalde na makakaasa pa ang lahat sa maayos na pamamahala at dagdag pang mga proyektong pang kaunlaran lalo na sa mga kanayunan.

October 15, 2018 ng sabay-sabay na nagsumite ng kani-kanilang Certificates of Candidacies sina Mayor Evangelista at mga kapartido sa ilalim ng Nacionalista Party.

Isinumite nila ang kanilang mga CoC’s pasado alas otso ng umaga sa mismong tanggapan ng City Comelec.

Tumatakbong mga City Officials sa ilalim ng Nacionalista Party sina Mayor Evangelista, City Councilor Jivy Roe Bombeo bilang Vice Mayor at mga City Councilors na sina: Gregorio Lonzaga; Marites Malaluan; Gasbamel Ray Suelan; Narry Amador; Melvin Lamata Jr; Carlo Agamon; Malou Cadeliña – Manar; Aljo Cris Dizon; Rex Dayao at Cromwell Victoria.

Hinihingi naman ni Mayor Evangelista ang solidong suporta ng lahat sa kanilang partido para sa May 13, 2019 Mid Term Elections. (CIO/LKOasay)

Photo Caption- MAYOR EVANGELISTA AT MGA KAPARTIDO NAGHAIN NA NG KANILANG CoC: October 15, 2018 ng maghain na ng kanyang Certificate of Candidacy si City Mayor Joseph Evangelista kasama ang kanyang mga kapartido sa ilalim ng Nacionalista Party.

 

Barangay Onica

 

Hango mula sa akronim na Occidental Negros, Ilo-ilo, Capiz at Antique. sila ang nagbigay ng pangalan na hinango sa kanilang orihinal na pinanggalanan. Ito ay dating sitio ng upper malamote. Minsan ito ay isang magubat na lugar, ang mga unang nairahan ay naghawan sa lugar noong 1949.

Ag Onica ay pirmal na nabuksan dahil sa itinalagang unang Tenyente del Baryo na si G. Restituto Dorado at Sabrino Prudente bilang bise Tenyente del Baryo ni Alkalde Gil B. Gadi. Ito ay naging ganap na baryo noong 1959 sa bisa ng resolusyon bilang 50.

 

Lupang Sakop: 1,393

Distansiya mula sa Kidapawan: 18 km.

@ 2018 Kidapawan City. All rights reserved.

Developed and Maintained by: Durian Studio