Category: Press Release

You are here: Home


thumb image

KIDAPAWAN CITY – NAKAHANDA NA ANG City Government of Kidapawan na maglagay ng mga alternatibong Covid-19 vaccination hubs sakali mang matuloy ang pagbubukas ng klase sa September 2021.

Napagkasunduan ng Local Inter Agency Task Force o LIATF ng lungsod na ilipat ang mga lugar kung saan ginaganap ang mga pagbabakuna kontra Covid-19 kapag gagamitin na saka-sakali ng mga private schools ang kanilang pasilidad na ipinagamit sa City Government.

Kaugnay nito, ipinag-utos ni City Mayor Joseph Evangelista sa LIATF na makipag-ugnayan sa pamunuan ng With Love Jan Foundation Incorporated na ilipat muna pansamantala ang vaccination hub ng lungsod sa Barangay Nuangankung saan isang Temporary Treatment and Monitoring Facility o TTMF ang nakatakdang pasiyaan sa loob ng linggong ito.

Ang hakbang ay bunga na rin ng paghahanda ng City Government lalo pa at inaasahang magpapatupad na ng limited face to face classes ang mga kursong medical ng Kidapawan Doctors College, Notre Dame of Kidapawan College at ilan pang kolehiyo sa lungsod.

Sinabi naman ng DepEd na hindi muna sila magpapatupad ng face to face classes sa mga elementary at high school sa opening ng academic year.

Bagkus, itutuloy muna nila ang blended learning habang hindi pa naa-abot ang herd immunity na bilang ng mga nabakunahan, ayon pa sa DepEd Kidapawan Schools Division sa meeting ng Local IATF umaga ng July 19, 2021.

Sa ganitong pamamaraan ay hindi matitigil ang vaccination ng mga eligible population laban sa Covid19, ani pa ni Mayor Evangelista.

Samantala, ibinahagi rin ng alkalde sa local IATF na pwede ng tumanggap ng Pfizer at Gamaleya Sputnik Corona Virus vaccines ang lungsod mula sa DOH. Ito ay dahil may bago ng refrigerated vans ang City Government na may kakayahang magpalamig ng mga bakuna sa negative 70 Degrees Celsius na kinakailangang temperatura para maging epektibo laban sa Covid19.

Malaking tulong ang mga ito para makamit ng City Government ang target nitong mahigit sa isang-libong vaccine jabs kada araw, ayon pa kay Mayor Evangelista.

Sa kasalukuyan ay tanging SinoPharm at Astra Zeneca Corona Virus Vaccines ang mga itinuturok ng City Government sa eligible population ng lungsod laban sa Covid19. ##(CIO)

thumb image

Turn over ng 4 na bagong ambulances at 1 refrigerated van  magpapalakas ng Covid-19 emergency response at  support to agriculture – ayon kay Kidapawan City Mayor Joseph A. Evangelista

KIDAPAWAN CITY (July 7, 2021) –    Mas lalakas pa ang Covid-19 emergency response ganundin ang support to farmers sa Lungsod ng Kidapawan ngayong meron ng karagdagang apat na bagong ambulances at isang refrigerated van ang City Government.

Ito ang masayang pahayag ni Mayor Joseph A. Evangelista sa ginanap na blessing and turn-over ng naturang mga sasakyan sa City Hall lobby ngayong umaga na dinaluhan din nina City Councilors Maritess Malaluan, Chairperson ng SP Kidapawan Committee on Health, Galen Ray Lonzaga, Aljo Cris Dizon, ABC Kidapawan Pres. Morgan Melodias, Kidapawan City Hospital (KCH) Chief Dr. Hamir Hechanova, City Epidemiology Surveillance Unit Operations (CESU) Head Dr. Nerissa Paalan, CDRRM Officer Psalmer Bernalte, Fr. Desiderio “Jun” Balatero, DCK na siyang nanguna sa panalanagin at blessing sa nabanggit na mga sasakyan, mga department heads, at iba pa.

“Ako ay natutuwa sa magandang development na ito kung saan mapapalakas natin ang ating pagresponde sa pandemiya ng Covid-19 at matututukan din ang suporta para sa ating mga farmers”, sinabi ni Mayor Evangelista.

Dalawa sa mga bagong ambulances ang gagamitin sa Covid-19 response sa pangunguna ng CESU, dalawa naman ay mapupunta sa CDRRMO para sa emergency response habang ang bagong refrigerated van ay gagamitin ng Office of the City Agriculture para mapanatiling presko ang mga produktong gulay mula sa mga barangay.

Maliban rito, maaari ring gamitin ang refrigerated van bilang storage ng bakuna o mga Covid-19 vaccines.

Nagkakahalaga ng P7M ang nabanggit na mga ambulansiya at mula ito sa 70% Local Disaster Risk Reduction Management Fund o LDRRMF habang ang refrigerated van ay nagkakahalaga ng P4.5M at mula naman sa 20% Economic Development Fund o EDF ng lungsod.

Kaugnay nito, sinabi ni Mayor Evangelista na patuloy ang City Government of Kidapawan sa pagpapatupad ng mga programa para sa ikabubuti ng mga mamamayan kasabay ang panawagan na panatilihing ligtas ang mga sarili laban sa Covid-19 sa pamamagitan ng pagsunod sa mga minimum health protocols. (CIO/JSCJ)

#labankidapawan

#wehealasone

thumb image

High risk pregnant women nakinabang sa launching ng supplementary feeding program sa Barangay Singao

KIDAPAWAN CITY (July 6, 2021). – UPANG matutukan ang pagdadalantao at mapangalagaan ang kanilang kalusugan, abot sa 12 na mga high risk pregnant women ang nakabiyaya sa ginanap na launching ng supplemental feeding program ngayong umaga sa Barangay Singao, Kidapawan City.

Ayon kay City Nutrition Action Officer Melanie Espina, bahagi ito ng ika-47 Nutrition Month ngayong Hulyo, 2021na may temang “Malnutrisyon Patuloy na Labanan, First 1,000 Days Tutukan”.

Sinabi ni Espina na bilang mga high risk pregnant women ay maituturing na sensitibo o maselan ang kanilang kondisyon.

Kabilang dito ang mga babaeng nagbuntis na ang edad ay 17 pababa pati na iyong mga nagbuntis na edad 35 pataas, dahil sa kanilang kalusugan o health concerns.

Pinangunahan naman ni Kidapawan City Councilor Maritess Malaluan, Chair ng SP Kidapawan Committee on Health, Kidapawan City Acting Information Officer Atty. Jose Paolo Evangelista, Local Council for the Protection of Children member Janice Garcia, at Barangay Singao Chairman Eduardo Loma ang ceremonial distribution ng masustansiyang pagkain para sa mga buntis tulad ng gatas, itlog, vitamins at iba.

Nagpasalamat si Loma sa pagsisikap ng City Government of Kidapawan sa pamamagitan ng City Health Office na matulungan ang mga high risk pregnant women sa kanyang barangay.

Nakiisa din sa aktibidad sina City Councilor Galen Ray Lonzaga at Rosheil Gantuangco-Zoreta na bahagi ng Health and Wellness at Vaccination Rollout Program ng Kidapawan City.

Bilang bahagi naman ng kanilang adbokasiya at para matutukan ang pagbubuntis ng mga batang ina, hinihikayat sila ng Barangay Health Station na magpa pre-natal check up o magpakonsulta bawat buwan. Ito ay upang maging maayos ang kanilang pagbubuntis hanggang sa makapanganak, ayon kay Grace Catigom, isa sa mga Barangas Nutrition Scholar (BNS) ng Barangay Singao. Nagpasalamat naman ang mga buntis na nakiisa sa programa sa biyayang natanggap at sa mga payo at tips na kanilang napag-alaman sa programa at nangakong aalagaan ang mga sarili hanggang sa makapanganak. (CIO/JSCJ)

#Laking1000

#2021NutritionMonth

#LabanKidapawan

#WeHealAsOneKidapawan

thumb image

Mga Punong Barangay at iba pang opisyal ng barangay sa Lungsod ng Kidapawan lubos na nagpasalamat sa pinansyal at iba pang ayuda mula sa national at local government

KIDAPAWAN CITY (July 5, 2021) – LUBOS ang pasasalamat ng abot sa 40 Punong Barangay ng Lungsod ng Kidapawan at ang kanilang mga Kagawad, Secretary, at Treasurer matapos silang makatanggap ng financial assistance at iba pang tulong mula sa pamahalaang nasyonal at lokal.

Pinangunahan mismo ni Kidapawan City Mayor Joseph A. Evangelista ang distribusyon ng P3,000 sa bawat Punong Barangay at iba pang nabanggit na mga opisyal at pamamahagi ng iba pang ayuda tulad ng canned goods para sa mga residente; flashlights, cudgel o batuta at handcuffs na magagamit ng mga tanod sa bawat barangay.

Mula sa tanggapan ni Senator Christopher “Bong” Go ang P3,000 para sa bawat Punong Barangay at iba pang opisyal sa barangay habang mula sa City Government of Kidapawan ang ibang mga ipinamigay na ayuda.  Kabilang naman sa ipinamahagi ang mga vegetable seedlings mula sa tanggapan ni Senator Cynthia Villar.

Maliban rito, nagpa-raffle draw din ang City Government sa pamamagitan ng City Veterinarian Office ng abot sa 12 alagang baka para sa naturang barangay officials upang magamit bilang panimula sa livestock program sa kanilang mga barangay.

Ayon kay Mayor Evangelista, malaki ang tulong ng inisyatibang sa mga Punong Barangay at sa kanilang mga nasasakupan lalo na ngayong may pandemya ng Covid-19.

Masaya ring ibinalita ng alkalde ang dagdag na P500 sa honorarium ng bawat barangay worker simula Enero 2022. Ito ay para makaagapay ang naturang sektor sa kanilang mga pangangailangan at bilang pagkilala na rin sa kanilang malaking kontribusyon sa barangay.

Kaugnay nito, nagpaabot ng kanilang pasasalamat ang mga barangay officials sa national at local government.

“Dako ang matabang niini sa akua isip usa ka opisyal sa barangay labaw na karon na naa ta’y ginaatubang ng problema sa Covid19. Bisan gamay lang ang kantidad pero dako ang mahimo niini apil na ang mga gamit para sa atuang mga BPAT nga naga bantay sa atuang peace and order”,  ayon kay Chairman Paul Macaso ng Barangay Amazion.

“Dako akong kalipay kay wala ta gipasagdan sa atuang national government ug sa paningkamot ni Mayor Evangelista na mahimong posible ang mga paghatag sa ayuda. Daghang salamat  kang Senator Go ug kang Mayor Evangelista”, sinabi naman ni Chairman Cristutu Sarigumba ng Barangay Junction.

Ganito din ang pasasalamat ni Chairman Jeffrey Balaoro ng Barangay Marbel. “Kining amung LP nadawat gikan sa P3,000 cash hangtud sa mga items ug sa mga gipanghatag na baka, dako ang impact niini sa amua kay sa sitwasyon karon sa pandemic tanan naapektuhan ug naglisod halos tanan tao. Salamat kaayu sa national government ug sa atuang City LGU”, ayon kay Balaoro.

Tiniyak naman ni Mayor Evangelista ang patuloy na suporta para sa mga Punong Barangay at ang matibay na ugnayan ng mga ito at ng City Government.

Maliban kay Mayor Evangelista ay nakiisa din sa aktibidad si Kidapawan City Legal Officer Atty. Paolo M. Evangelista, at mga City Councilors na sina Maritess Malaluan, Narry Amador, Peter Salac, Lauro Taynan, Galen Ray Lonzaga, Aying Pagal, Melvin Lamata, Cenn Teena Taynan, ABC President Morgan Melodias, at IPMR Radin Igwas.

Dumalo rin sa aktibidad sina dating City Councilor at Retired Judge Francis Palmones, miyembro ng People’s Law Enforcement Board (PLEB) at Rosheil Gantuangco-Zoreta na kabilang sa City Vaccination Rollout Plan at kapwa hinikayat ang mga opisyal ng barangay na ipagpatuloy ang pakikipagtulungan sa lahat ng programa at proyekto ng City Government at ng administrasyon ni Mayor Evangelista.

Ginawa ang distribusyon mula July 3 hanggang July 4, 2021 kung saan hinati sa apat na grupo ang mga Punong Barangay upang mas maayos na maipatupad ang mga minimum health protocols. (CIO/JSCJ)

#labankidapawan

#WeHealAsOne

thumb image

KIDAPAWAN CITY (June 28, 2021) – Sa layuning mapalakas ang produksyon ng  ng mga magsasaka ng palay sa Lungsod ng Kidapawan lalo na ngayong may pandemiya ng Covid-19, muling nakipag-ugnayan ang City Government of Kidapawan sa Dept of Agriculture – Regional Field Office 12 o DA-ROF12 sa pamamagitan ng Office of the City Agriculturist.

Nagbigay-daan ito sa pamamahagi ng abot sa 500 bags ng certified rice seeds para sa iba’t-ibang Irrigator’s Association (IA) at Farmer’s Association (FA)sa lungsod at direktang nakabiyaya ang mga miyembro nito.

Ayon kay City Agriculturist Marissa Aton, sinimulan ang distribusyon ng certified rice seeds mula June 14, 2021 at natapos nitong June 28, 2021. Ito ay naipamahagi sa mga sumusunod na asosasyon:

GANESAN Irrigators Association (San Isidro) 100 bags June 14, 2021

Junction Farmers Association                                      20 bags June 15, 2021

Paco-Binoligan Irrigators Association            127 bags June 16, 2021

Sudapin                                                                                              2 bags June 17, 2021

MABAKAL Irrigators Association (Kalaisan)     74 bags June 18, 2021

MABAKAL Irrigators Association (Sumbac)     12 bags June 18, 2021

MABAKAL Irrigators Association (Macebolig)  5 bags June 21, 2021

Onica Farmers Association                                             81 bags June 21, 2021

Gayola Farmers Association                                           32 bags June 22, 2021

Amas Farmers Association                                              17 bags June 25, 2021

Katipunan Farmers Association                    30 bags June 25, 2021

Nakapaloob naman ang pamamahagi ng 500 bags ng certified rice seeds sa Regular Rice Program for Wet Cropping Season for 2021 ng DA-ROF 12 sa pakikipagtulungan ng City Government of Kidapawan.

Kaugnay nito, umaasa si Aton na lalo pang mapapahusay ng naturang mga beneficiaries ang produksyon ng kanilang palay na siya namang magpapaangat sa antas ng kanilang pamumuhay. (CIO)

thumb image

KIDAPAWAN CITY (June 24, 2021) – Fully operational na ngayon ang abot sa 236 beds mula sa mga Covid-19 Treatment Facility at Temporary Treatment and Monitoring Facility o TTMF na matatagpuan sa iba’t-ibang bahagi ng Kidapawan City.

Ayon kay Dr. Hamir Hechanova, Chief of Hospital ng Kidapawan City at siya ring Focal Person ng One Hospital Command System ng lungsod, kabilang dito ay ang 56 facility beds mula sa limang mga CTF na kinapapalooban ng Kidapawan City Hospital Covid-19 Treatment Facility (22), KCH Covid-19 ANNEX Apo Summit (20), KCH Covid-19 Treatment Facility ANNEX II Dizon (14).

Abot naman sa 126 community facility beds ang nakapaloob sa apat na mga TTMF sa lungsod at ito ay ang Kidapawan City Pilot Elementary School o KCPES (40), Double R isolation (20), Ate Vanz Isolation (30), at Kidapawan City Gymnasium (36).

Dagdag pa rito ang abot sa 54 beds mula sa apat na mga private hospitals sa Kidapawan City na kinabibilangan ng Kidapawan Medical Specialist Center, Inc o KMSCI (20 beds), Kidapawan Doctors Hospital (17), Madonna Medical Center (6), at Kidapawan Midway Hospital (11).

Sinabi ni Dr. Hechanova, na patuloy ang pagpapalakas ng mga nabanggit na pagamutan at temporary treatment facilities upang matugunan ang tumataas na kaso ng Covid-19 sa lungsod.

Samantala, madaragdagan pa ang bilang ng mga facility beds sa nalalapit na pagbubukas ng Barangay Nuangan TTMF na may 26-bed capacity, ayon pa kay Dr. Hechanova. Alinsunod rin ito sa itinatakda ng National Inter-Agency Task Force for Covid-19 o NIATF sa paglalagay o pagtatayo ng mga pasilidad para sa Covid-19 patients.

Una ng nagpatawag ng pulong si Kidapawan City Mayor Joseph Evangelista sa pagitan ng mga opisyal ng mga pampubliko at pribadong ospital kasama na ang mga may-ari ng ilang inns sa lungsod upang patatagin pang lalo ang OHCS.

Kaugnay nito, tiniyak rin ni Mayor Evangelista ang patuloy na pagsisikap ng City Government of Kidapawan upang matugunan ang mga pangangailangan ng mamamayan lalo na ang mga tinamaan ng Covid-19, kasabay ang panawagan sa mamamayan na laging sundin ang mga itinakdang minimum health protocols upang matiyak ang kaligtasan ng bawat isa. (CIO)

thumb image

KIDAPAWAN CITY – CONSUL GENERAL Miwa Yoshiaki of the Consulate General of Japan in Davao paid a courtesy visit to City Mayor Joseph Evangelista on June 17, 2021. Mr. Yoshiaki’s visit was aimed on discussing economic and security situation of the city and exchanging of ideas on possible cooperation between the City of Kidapawan and Japan. Mayor Evangelista greeted the Consul by a ceremonial bow of respect before the actual dialogue between them started. The mayor welcomed Mr. Yoshiaki and shared to him his pleasant experiences during a visit to Japan in the past. Mayor Evangelista thanked the Japanese Government for helping fund the construction of school buildings in Barangay Patadon through its international Aid Programs. Discussions between the two officials mainly centered on agriculture and tourism development. Mr. Yoshiaki appreciated how the mayor implemented the agricultural programs that helped provide and sustain the livelihood of local farmers through the Food Sufficiency initiative of the City Government. Agricultural products being locally produced such as high value crops like coffee, lettuce, tomatoes, cabbage, and other highland vegetables, citrus fruits from the city lowlands, and freshwater fishes are given much attention under the Food Sufficiency program. Through this initiative, the City Government will buy the produce of the farmers in farm gate prices to ensure that they are rightfully earning from their harvest. The produce is being sold by the City Government in other big cities such as Cebu and Manila thereby providing a market for local farmers’ harvest.The Japanese consul will bring these developments to his government and will find a way how Japan can help boost the agricultural production of the local farmers and help them sustain their livelihood. As for the tourism development, Mr. Yoshiaki has identified Sitio Embassy in Barangay Perez as an ideal site for eco-tourism. Mayor Evangelista agreed with the Consul General since he is also planning to pattern and develop the place after the Spa resorts in Japan. A sisterhood pact between Kidapawan and a small Japanese city is being considered as an avenue for cultural and educational exchange of ideas that will help further develop this city and make its residents productive. ##(CIO)

thumb image

Kidapawan City (June 22, 2021) – Patuloy na tumataas ang bilang ng mga nagpapaturok ng Covid-19 vaccine sa Kidapawan City at nagtitiwala sa proteksyong dulot ng bakuna, maging ito man ay Sinovac o AstraZeneca. Sa pinakahuling data ng City Epidemiology Surveillance Unit o CESU, abot na sa 3,284 front liners ang nabakunahan na o katumbas ng 90.69% ng kabuuang target na 3,621vaccinees. Abot naman sa 2,521 na mga senior citizens ang naturukan na o katumbas ng 19.32% ng kabuuang target na 13,044 vaccinees habang nabakunahan na rin ang abot sa 687 o katumbas ng 14.98% na mga indibidwal na nagkakaedad ng 18-59 years old na may controlled comorbidity o iyong may mga karamdaman ngunit may iniinom na mga gamot. Sinabi ni CESU Head of Operations Dr. Nerissa Paalan na tuluy-tuloy ang vaccination ayon na rin sa inilatag na vaccination plan ng City Government of Kidapawan at sa maayos na proseso ng vaccination sa lungsod. Ikinatuwa ni Kidapawan City Mayor Joseph Evangelista ang bagay na ito kasabay ang pahayag na kailangang mabakunahan ang malaking bilang ng mga mamamayan ng lungsod upang matamo ang herd immunity sa Kidapawan City. Hindi naman ikinaila ni Mayor Evangelista ang kanyang pagkadismaya sa tila mabagal na pagdating at maliit na supply ng mga bakuna sa lungsod mula sa DOH. Ayon sa alkalde, malinaw naman na maganda ang takbo ng pagbabakuna sa lungsod. Tumataas na rin ang acceptance at tiwala ng mamayan sa bakuna kaya’t nagtatanong na ang mga ito kung kaylan sila matuturukan.Kaugnay nito, nanawagan ang alkalde sa kinauukulang ahensiya na ikonsidera ang maayos na vaccination sa lungsod at gawin itong basehan upang mapabilis at madagdagan pa ang allocation ng vaccine para sa mamamayan.Samantala, muling nanawagan ang CESU sa mga eligible vaccinees sa ilalim ng Priority Lists A.1 o mga medical at health front liners, A.2 o mga senior citizens, at A.3 o mga persons with controlled comorbidity na huwag sayangin ang pagkakataon na mabakunahan at tiyaking makapunta sa mga vaccination sites kapag sila ay tinawagan na para sa schedule ng kanilang pagpapabakuna. Sisimulan na rin umano ng CESU sa lalong madaling panahon ang pagpapatala ng mga A.4 o mga economic frontliners. Para sa karagdagang katanungan maaaring tumawag o mag-text sa CESU Vaccination Hotlines (0946) 921 9220 and (0997) 169 0348 (CIO)

thumb image

BJMP Kidapawan tumanggap ng isang brand new high-end sewing machine mula sa City Government of Kidapawan

KIDAPAWAN CITY (June 4, 2021) – MASAYANG tinanggap ng Bureau of Jail Management and Penology o BJMP Kidapawan ang isang brand new Singer sewing machine mula sa City Government of Kidapawan.

Ginanap ang turn over sa Mega Tent ng City Hall alas-diyes ng umaga ngayong araw sa pangunguna ni City Legal Officer Atty. Jose Paolo M. Evangelista at ng mga representante ng BJMP Kidapawan sa katauhan nina JOI Amphy Chin B. Namuag at JO1 Otao. 

Nagkakahalaga ng mahigit P30,000 ang naturang sewing machine na ayon sa BJMP Kidapawan ay magagamit ng mga inmates o mga Persons Deprived of Liberty o PDL sa kanilang livelihood project.

Ikinatuwa din ng BJMP ang pagkakaroon nito ng bagong sewing machine dahil malaki ang magagawa nito para sa mga PDL upang magkaroon sila ng pagkakataon na mapaghandaan ang kanilang kinabukasan sa kabila ng kanilang pagkakapiit o pagkakakulong.

Kaugnay nito, muli ay pinasalamatan ng BJMP ang City Government of Kidapawan partikular na si Mayor Joseph A. Evangelista sa walang sawang pagtulong sa BJMP lalo na sa mga proyektong nakalaan para sa mga paglinang ng kakayahan ng PDL tulad ng pagtahi, craft and décor making, at iba pa.

Sinabi naman ni Atty. Evangelista na patuloy lang ang City Legal Office o CLO sa pagtulong sa BJMP lalo na para sa kapakanan at Karapatan ng mga PDL. “Maliban sa kaakibat na parusa, mahalagang mapagtuunan ng pansin ang pagbabago o reformation ng mga PDL kung kaya’t kailangang tulungan ang mga ito ng sa ganon ay maging produktibo uli silang mga indibidwal sa oras ng kanilang paglaya”, ayon pa kay Atty Evangelista. (CIO)

#labankidapawan

#wehealasone

thumb image

Mahigit tatlong libong mga Frontline Health Workers at mahigit apat na libong senior citizens sa Kidapawan City nabakunahan na ng Covid-19 vaccine

Abot na sa 3,019 o 85.33% ang bilang ng mga Frontline Health at Medical Workers o Priority List A.1 at 4,258 o 27.92% na mga senior citizens o Priority List A.2 ang naturukan na ng Covid-19 vaccine sa Kidapawan City.

Ito ay ayon sa City Epidemiology Surveillance Unit o CESU Kidapawan kung saan may target vaccinees na 3,538 front liners at 15,250 senior citizens sa lungsod.

Sa bilang na 3,019 frontliners, abot naman sa 1,807 o 59.85 % ang nakumpleto na ang bakuna o naturukan ng second dose habang sa bilang na 4,258 senior citizens ay abot na sa 2,126 o 49.93 % ang naturukan na ng second dose o nakumpleto na ang bakuna.

Kaugnay nito, sinabi ni CESU Operations Head Dr. Nadine Paalan na tuluy-tuloy lang ang CESU sa roll out ng bakuna sa Notre Dame of Kidapawan College o NDKC at Kidapawan Doctors College, Inc. 0 KDCI bilang mga designated vaccination sites sa lungsod.

Kaugnay nito, nanawagan din si Dr. Paalan sa publiko partikular na sa eligible vacinees na tangkilikin ang bakuna maging ito man ay Sinovac o AstraZeneca dahil ito lang ang paraan upang matamo ang herd immunity at makontrol ang pagdami ng kaso ng Covid-19. 

Samantala patuloy pa ang CESU sa pagpapatala ng Priority A.3 o mga adults with comorbidity (18 to 59 years old) at hinihimok ang partikular na sector na ito na samantalahin ang pagkakataon at makipag-ugnayan sa kanilang mga Barangay Health Stations o sa mismong tanggapan ng CESU upang maisali sila sa talaan ng mga vacinees. (CIO)

#LabanKidapawan

#Wehealasaone

@ 2018 Kidapawan City. All rights reserved.

Developed and Maintained by: Durian Studio