Kidapawan-Ormoc pakusgon ang suporta sa geothermal energy

GIKAHIMAMAT ni Kidapawan City Mayor Joseph A. Evangelsita si Ormoc City Mayor Richard Gomez, sa talagsaong panagpulong aron hisgutan ang posibilidad nga tie-up sa geothermal energy sa duha ka mga lungsod.

Sa suod sa duha ka oras nga panagpulong, nahisgutan sa duha ka mga mayor ang pagpangandam sa geothermal production ug expansion tali sa mga dakbayan sa Kidapawan ug Ormoc.

Sigon kang Mayor Evangelista, dakong tabang ang enerhiya gikan sa geothermal alang sa paglambo sa usa ka dakbayan. Maong sugyot sa duha ka mga mayores, kinahangalan nga iduso ang pagpalambo sa mga kabukiran pinaagi sa pagtanum ug mga punuan, ilabi na ngadto sa tinubdan sa geothermal energy.

Parehong si Evangelista ug Gomez, nagtuo nga ang enerhiya gikan sa geothermal mas luwas sa tawo ug sa kinaiyahan, butang nga angayan suportahan sa mga local nga kagamhanan alang sa kalambuan nga mudagayday sa tali-abot nga panahon. (WAM)