Mayor sa dakbayan obligahon ang mga business ug transport sector nga mugamit ug metal detector

OBLIGAHON na sa City Government of Kidapawan ang tanang mga establisemento ug mga transport operators nga mo-provide ug kaugalingong metal detector alang sa seguridad sa katawhan sa dakbayan.

Kini ang gi mando ni Mayor Joseph A. Evangelista, sa gipahigayong City Peace and Order Council (CPOC) ug City Anti-Drug Abuse Council (CADAC), milabay nga semana. Tubag kini ni Mayor Evangelista, human sa natigayon nga sunod nga pagpa-momba sa lungsod sa Isulan, sa probinsiya sa Sultan Kudarat.

Isip counterpart, mupalit usab ug 5 ka buok nga metal detector ang city government aron magamit sa Kidapawan City PNP ug sa merkado publiko.

Saysay sa mayor dakong tabang ang mga metal detector aron dal inga mapunting ang kinsa man naa’y malaing tumong labi na sa mga inosente nga sibilyan.

Makatabang usab ang metal detector alang sa mga biyahedor aron masiguro ang ilang seguridad samtang sakay sila sa mga pampasaherong van gikan sa Kidapawan.

Gi-awhag usab ni Mayor Evangelista ang mga constituents nga mutabang sa pagpahapsay sa dakbayan pinaagi sa paging igmat sa palibot.

Sigon sa mayor dako ang tabang sa mga katawhan sa kapulisan, alang sa pagpugong sa unsa mang malaing butang nga ginalaraw mga gusto nga kutawon ang kalinaw sa Kidapawan. (CIO)